Финляндия 30 июндан бошлаб коронавирусга қарши кириш чекловларини бекор қилади, шу кундан бошлаб учинчи давлатлар, жумладан, Россиядан ҳам сайёҳларни қабул қилишни тикланади — дея хабар қилди республика Ички ишлар вазирлиги.
Коронавирус пандемияси билан боғлиқ Финляндияга киришга қўйилган чекловлар 30 июнь куни тугайди. Бу шуни билдирадики, Финляндияга келган учинчи давлат саёҳатчиларидан энди эмлаш сертификатлари ёки COVID-19 тестларига эга бўлишлари шарт эмас. Шунингдек, чегара ўтиш жойларида коронавирус учун тест топшириш ҳам шарт эмас.
Вазирлик маълумотларига кўра, чегара назорати иши пандемиядан олдинги даврга қайтади. Европа Иттифоқи ва Шенген ҳудудидан ташқаридан келганлар хорижга чиқиш паспорти ва керак бўлганда визага эга бўлишлари керак.
«Чекловларнинг олиб ташланиши учинчи давлатлардан келаётган трафикни ошириши кутилмоқда. Масалан, шарқий чегарада трафик ошиши мумкин. Трафик ҳажмига россияликларнинг саёҳат қилиш истаги ва амалдаги визалар сони таъсир қилади», — дея қўшимча қилган Финляндия ИИВ.
Шунингдек, вазирлик Финляндия консуллик идоралари ҳозирда мамлакатга кириш визалари бераётгани ҳақида хабар берди.
Изоҳ (0)