Xalqaro Olimpiya Qo‘mitasi (XOQ) prezidenti Tomas Bax Xalqaro suzish federatsiyasining Budapeshtda bo‘lib o‘tgan kongressida rossiyalik sportchilarni musobaqalardan chetlatish bo‘yicha tavsiyalarni bekor qilish vaqti hali yetmagani, biroq sportning birlashtiruvchi vazifasini yodda tutish lozimligini ta’kidlab o‘tdi.
Bizning sanksiyalar va tavsiyalar bo‘yicha pozitsiyamiz ma’lum, uni eslatib o‘tishga asos yo‘q, deb o‘ylayman. Biz ushbu tavsiyalarni qabul qilishga majburmiz, shu bilan birga birlashtiruvchi degan ustuvor vazifamizni unutmasligimiz kerak.24-fevral kuni Rossiya prezidenti Vladimir Putin Donbassda “maxsus harbiy operatsiya” boshlanganini e’lon qildi. 28-fevral kuni FIFA va UEFA Ukrainadagi vaziyat tufayli Rossiya terma jamoalari va Rossiya klublarini barcha xalqaro musobaqalarda ishtirok etishdan chetlatdi. Shuningdek, Rossiya xokkey, basketbol hamda gandbol bo‘yicha xalqaro musobaqalardan chetlatilgandi. XOQ esa barcha xalqaro federatsiyalarga Rossiya va Belarus terma jamoalarini musobaqalardan chetlatish tavsiyasini bergandi.FINA (Xalqaro suzish federatsiyasi) tavsiyalarga amal qiladi, hozir ularni olib tashlash vaqti emas, lekin biz dilemma haqida unuta olmaymiz — jahon tashkilotimiz, sport bizni birlashtirishi lozim. Shu bilan birga, sportda hamma bir xil qoidalarga bo‘ysunishi kerak. Voqealar rivojini kuzatib, nima bo‘layotganidan boxabar bo‘lib turamiz. Pekindagi marosimda aytganimdek, dunyoga imkoniyat berish kerak.
Tomas Bax, XOQ prezidenti
Izoh (0)