Saudiya Arabistoni U-23 terma jamoasi bosh murabbiyi Sadd ash-Shehri Osiyo Kubogi finalida O‘zbekiston ustidan qozonilgan g‘alabadan keyin o‘z fikrlarini bildirib o‘tdi.
O‘yin haqidaJamoamiz va bizning g‘alabamizni kutgan barchani muvaffaqiyat bilan tabriklayman. Juda qiyin o‘yin bo‘ldi. Bu finalga xos va kutilgan holat. Muxlislar mezbon jamoani ajoyib qo‘llab-quvvatlab turdi. Shunday bo‘lsa ham, o‘yinchilarim oldiga qo‘yilgan vazifani uddaladi. Buning uchun ularga rahmat aytaman.
O‘zbekiston terma jamoasi haqida
Ko‘rinib turibdiki, O‘zbekiston termasi juda kuchli shakllangan. Mezbonlar Parij—2024 Olimpiadasi yo‘lida ajoyib jamoa tuzgani ko‘rinib turibdi. O‘z navbatida, biz ham endi bor e’tiborimizni kelgusi ushbu yosh toifasidagi musobaqaga qaratib, Parij Olimpiadasiga tayyorgarlikni boshlaymiz.
Saudiya Arabistoni gol o‘tkazmay sovrin yutgani haqida
Avvalo bularning barchasi Yaratgandan. Qolaversa himoyada tartibli va kuchli o‘yin namoyish eta oldik. Raqibga qarshi zamonaviy futbolning barcha yo‘nalishlari bo‘yicha tayyorgarlik ko‘ramiz.
Sadd ash-Shehri, Saudiya Arabistoni U-23 bosh murabbiyi
Izoh (0)