Og‘ir vazn toifasida WBA, WBO va IBF kamarlari sohibi Oleksandr Usik (19-0, 13 KO) va sobiq champion Entoni Joshua (24-2, 22 KO) o‘rtasidagi revansh jangi sanasi ma’lum bo‘ldi.
Bokschilar o‘rtasidagi jang 20-avgust kuni bo‘lib o‘tadi. Jangga Saudiya Arabistonining Jidda shahri mezbonlik qiladi. Bu haqida Matchroom promouterlik kompaniyasi matbuot xizmati xabar berdi.
Dastlab jang 23-iyul kuni bo‘lib o‘tishi xabar qilingandi, ammo Saudiya Arabistonidagi tashkilotchilik masalalari uzoq vaqt olgan. Keyinchalik promouter Eddi Hirn jang sanasi o‘zgarishi 13 yoki 20-avgustda bo‘lib o‘tishi mumkinligini aytib o‘tgandi.
Bokschilar o‘rtasidagi dastlabki jang 2021-yilning sentabr oyida “Tottenhem Hotspur” stadionida bo‘lib o‘tgandi. Unda Usik hakamlar qaroriga ko‘ra (117-112, 116-112, 115-113) Joshua ustidan g‘alaba qozongan edi.
Izoh (0)