Халқаро Олимпия Қўмитаси (ХОҚ) президенти Томас Бах Халқаро сузиш федерациясининг Будапештда бўлиб ўтган конгрессида россиялик спортчиларни мусобақалардан четлатиш бўйича тавсияларни бекор қилиш вақти ҳали етмагани, бироқ спортнинг бирлаштирувчи вазифасини ёдда тутиш лозимлигини таъкидлаб ўтди.
Бизнинг санкциялар ва тавсиялар бўйича позициямиз маълум, уни эслатиб ўтишга асос йўқ, деб ўйлайман. Биз ушбу тавсияларни қабул қилишга мажбурмиз, шу билан бирга бирлаштирувчи деган устувор вазифамизни унутмаслигимиз керак.24 февраль куни Россия президенти Владимир Путин Донбассда «махсус ҳарбий операция» бошланганини эълон қилди. 28 февраль куни ФИФА ва УЕФА Украинадаги вазият туфайли Россия терма жамоалари ва Россия клубларини барча халқаро мусобақаларда иштирок этишдан четлатди. Шунингдек, Россия хоккей, баскетбол ҳамда гандбол бўйича халқаро мусобақалардан четлатилганди. ХОҚ эса барча халқаро федерацияларга Россия ва Беларусь терма жамоаларини мусобақалардан четлатиш тавсиясини берганди.FINА (Халқаро сузиш федерацияси) тавсияларга амал қилади, ҳозир уларни олиб ташлаш вақти эмас, лекин биз дилемма ҳақида унута олмаймиз — жаҳон ташкилотимиз, спорт бизни бирлаштириши лозим. Шу билан бирга, спортда ҳамма бир хил қоидаларга бўйсуниши керак. Воқеалар ривожини кузатиб, нима бўлаётганидан бохабар бўлиб турамиз. Пекиндаги маросимда айтганимдек, дунёга имконият бериш керак.
Томас Бах, ХОҚ президенти
Изоҳ (0)