Toshkent shahri Yakkasaroy tumanidagi ofis binosi kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot izohida yozilishicha, qurilishi tugallanmagan binoda suv, elektr, kanalizatsiya tizimi mavjud, ammo gaz ta’minoti yo‘lga qo‘yilmagan.
Yer uchastkasining umumiy maydoni — 0,016 gektar. Binoning maydoni — 160 kvadrat metr. Ofis 6 qavatdan iborat.
Auksionga qo‘yilgan ofis binosining boshlang‘ich bahosi — 11,4 mlrd so‘m. Arizalar 8-iyul 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Farg‘onadagi qurilishi tugallanmagan mehmonxona MIB tomonidan 16,7 mlrd so‘mga auksionga qo‘yilgani haqida xabar berilgandi.
Izoh (0)