Londonda narx-navoning oshishi sabab markazida minglab odamlar hukumatdan choralar ko‘rishni talab qilib shahar markaziga namoyishga chiqdi. Bu haqda Sky News xabar berdi.
Telekanal xabariga ko‘ra, namoyishchilar hukumatning iqtisodiy inqirozni bartaraf etish bo‘yicha ko‘rayotgan choralaridan norozi. Ular inflyatsiya va yashash narxining oshishiga qarshi kurashda yanada ko‘proq harakatga chaqirmoqda.
Sky News xabariga ko‘ra, namoyishchilar Vestminster hududidagi Parlament maydoni tomon yo‘l olgan. Ular “Yoqilg‘i taqchilligini tugating, uylarni hoziroq isiting” yozuvli plakatlar ko‘tarib, “I need a Dollar” (Menga pul kerak) va “Money, money, money” (Pul, pul, pul) kabi qo‘shiqlarni kuylagan.
Aksiya tashkilotchilariga ko‘ra, Londondagi ba’zi ishchilar 2008-yildan beri deyarli 20 ming funt sterling (24 ming dollardan ortiq) yo‘qotishgan, chunki ish haqi inflyatsiyaga bardosh bera olmagan.
Namoyishchilardan biri, o‘qituvchi Frenki Braun telekanalga bergan intervyusida “uning sinfidagi ayrim bolalarning uyida yeydigan hech vaqosi yo‘qligini” aytgan.
Izoh (0)