Putin va Kabayevaning o‘g‘li Shveysariya fuqaroligini olmaydi, deb xabar bermoqda “ChTD” Telegram-kanali. Gap shundaki, mamlakat parlamenti Shveysariya hududida tug‘ilganlarga fuqarolik taqdim etish to‘g‘risidagi qonunni qabul qilishdan bosh tortgan.
Shveysariyaning SonntagsZeitung gazetasi avvalroq Kabayeva 2015 va 2019-yillarda Putinning ikki o‘g‘lini dunyoga keltirgani haqida yozgandi. Ulardan birinchisi Shveysariyaning Lugano shaharchasidagi nufuzli klinikada, ikkinchisi esa Moskvada tug‘ilgan.
Bu ma’lumotni Amerikaning Wall Street Journal nashri ham tasdiqlagan, ammo 2019-yilda Kabayeva Moskvada bir bolani emas, balki egizaklarni dunyoga keltirganini ma’lum qilgandi.
Alina Kabayeva — “Natsionalnaya media gruppa” direktorlar kengashi rahbari, badiiy gimnastika bo‘yicha olimpiya chempioni (2004-yil), V va VI chaqiriq Davlat dumasining sobiq deputati.
Buyuk Britaniya hukumati fikricha, Kabayevaning “Putin bilan yaqin aloqasi bor”. AQSH esa The Wall Street Journal’ga asoslanib, Kabayeva Putinning “kamida uch farzandining” onasi va u “Putinning xorijdagi shaxsiy mulkini yashirishda” muhim rol o‘ynashi mumkin deb hisoblaydi.
Ta’kidlash joiz, Alina Kabayevaning qiz farzandi ham bor. 2018-yilda Moskvada Alina Kabayeva sharafiga nomlangan “Gazprom” chempionlar kubogi uchun badiiy gimnastika bo‘yicha musobaqa bo‘lib o‘tgan, u yerga Kabayeva o‘z qizalog‘i bilan tashrif buyurgan edi.
Mavzuga doir:
- Kanada Alina Kabayevaga qarshi sanksiyalar e’lon qildi
- Britaniya Alina Kabayeva va Putinning sobiq rafiqasi Lyudmila Ocheretnayaga qarshi sanksiyalar e’lon qildi
- Bloomberg: Bryussel Alina Kabayevaga qarshi sanksiyalar qo‘llashni taklif qildi. Vashington Putinning “tajovuzkor” munosabatidan xavfsirab, bu chorani keyinga qoldirgandi
Izoh (0)