Chernigovdagi vayronalar, Donbass osmonidagi raketa izlari. Urushning 116-kunidan fotoreportaj
19-iyun kuni Oliy Rada Ukrainada jamoat joylari va media vositalarida rus tilidagi musiqani taqiqlash uchun ovoz berdi. Odessa meri Gennadiy Truxanov Pushkin ko‘chasi nomini o‘zgartirishga qarshi chiqdi. The New York Times tomonidan olib borilgan surishtiruv shuni ko‘rsatdiki, Rossiya armiyasi Ukrainaga bostirib kirish paytida boshqarilmaydigan va taqiqlangan o‘q turlaridan, jumladan kassetali o‘q-dorilardan faol foydalanmoqda. Donbass shimoli uchun janglar davom etmoqda. Meduza urushning 116-kunida olingan asosiy fotosuratlarni taqdim etadi.
Chernigov
Rossiya bosqinida Ukrainaning eng ko‘p zarar ko‘rgan shaharlaridan biri bo‘lgan Chernigovdagi vayron bo‘lgan uy derazasida qoldirilgan ayiqcha. Aprel oyi boshida Rossiya qo‘shinlarini Kiyev va Chernigov yo‘nalishidan olib chiqib ketganidan so‘ng, shahar meri Vladislav Atroshenko binolarning 70 foizi zararlanganini aytdi.Foto: AP Photo
Chernigovda yashovchi 76 yoshli ayol Rossiya hujumidan vayron bo‘lgan uyi yonida.Foto: AP Photo
Kramatorsk
Kramatorskdagi protestant cherkovi a’zolari yakshanba xizmatida. Slavyansk va Kramatorsk shimoliy Donbass orqali ushbu shahar aglomeratsiyasiga o‘tayotgan rus qo‘shinlarining asosiy nishonlaridir.Foto: AFP
Kramatorsk cherkovida yig‘layotgan ayol. Shahar muntazam ravishda raketa va artilleriyadan o‘qqa tutilmoqda, oqibatda Kramatorskda elektr va suv yo‘q.Foto: AFP
Kramatorsk bozoridagi xaridorlar.Foto: AFP
Foto: AFP
Donbass shimoli
Donetskning o‘qqa tutilishi oqibatlari. Rossiya matbuotiga ko‘ra, o‘tgan dam olish kunlarida Donetsk Ukraina tomonidan bir necha bor o‘qqa tutilgan, jumladan, hujum NATO davlatlari yuborgan 155 millimetrlik gaubitsalar yordamida amalga oshirilgan. Ukraina OAVlari Ukraina Qurolli kuchlari shu kunlarda Rossiya kuchlarining o‘q-dorilar omborlarini o‘qqa tutayotgani haqida xabar berdi.Foto: Reuters
Donetskda yashovchi kishi Ukraina tomonidan o‘qqa tutilish oqibatida hosil bo‘lgan vayronalarni tartibga keltirishga yordam bermoqda.Foto: Reuters
Donetsk shimolidagi Bahmut lagerida dam olayotganlar osmondagi raketa izini tomosha qilmoqda.Foto: AP Photo
Izoh (0)