Адлия вазирининг тегишли буйруғи билан Абдуманноп Буриев Фарғона вилояти Адлия бошқармаси бошлиғи лавозимига тайинланди. Бу ҳақда Адлия вазирлиги хабар қилди.
Қайд этилишича, Буриев 1986 йилда Тошкент вилояти Бекобод шаҳрида туғилган. Маълумоти — олий. 2010 йилда Жаҳон иқтисодиёти ва дипломатия университетини, 2016 йилда Ўзбекистон Республикаси стратегик таҳлил ва истиқболни белгилаш Олий мактабини тамомлаган. Мутахассислиги — ҳуқуқшунос.
У ўз меҳнат фаолиятини 2011 йилда Адлия вазирлиги Юридик шахсларни давлат рўйхатидан ўтказиш бошқармаси 1-тоифали иш юритувчи котиби лавозимидан бошлаб, турли масъул лавозимларда фаолият юритган. Ҳозирга қадар Адлия вазирлиги Ташкилий-назорат ва стратегик режалаштириш бошқармаси бошлиғи бўлиб ишлаб келаётган эди.
Аввалроқ Тўлқин Абдусатторов адлия вазирининг ўринбосари лавозимига тайинлангани, Ўзбекистон Адлия вазирлиги тизимида янги лавозим тайинловлари амалга оширилгани, Ўзбекистон адлия вазирига янги ўринбосар тайинлангани ҳақида хабар берилган.
Изоҳ (0)