Farg‘ona tumanida 15-iyun kuni sel oqimlari kuzatildi. Bu haqda Farg‘ona Gidrometeorologiya boshqarmasi xabar qildi.
Qayd etilishicha, shu kuni soat 16:10 larda qo‘shni Qirg‘izistonning Botken viloyati Qadamjoy tumani Oxna mavzesining tog‘li hududlariga kuchli jala yog‘gan. Oqibatda Farg‘ona tumani “Vodil” suv taqsimlash inshootida, taxminan, 50 m3/s hajmdagi sel oqimlari kuzatilgan.
Hodisada aholi va qishloq xo‘jalik ekinlariga zarar yetmagan.
Avvalroq 10—14-iyun kunlari O‘zbekistonning 9 ta viloyatida sel kelishi xavfi e’lon qilingandi. Jumladan, Farg‘ona vodiysida 15—17-iyun kunlari sel kelishi xavfi mavjud.
Izoh (0)