2022-yilning yanvar—may oylarida O‘zbekiston xorijiy davlatlardan qiymati 320,5 million dollarga teng bo‘lgan 13,6 mingta yengil avtomobil import qilgan. Bu haqda Davlat statistika qo‘mitasi xabar berdi.
Ma’lum qilinishicha, yengil avtomobillar importi o‘tgan yilning mos davri bilan solishtirilganda 5,9 mingtaga yoki qariyb 2 baravarga oshgan.
Eslatib o‘tamiz, 2022-yilning yanvar–aprel oylarida O‘zbekiston 10 ta xorijiy davlatdan qiymati 21,8 million dollar teng bo‘lgan 734 ta elektromobil import qilgan.
Avvalroq O‘zbekiston yanvar—aprel oylarida asosan qaysi davlatlardan yengil avtomobil import qilgani haqida ma’lumot berilgandi. Ushbu ma’lumotlarga ko‘ra, Rossiyadan avtomobil importi keskin kamaydi. Agar o‘tgan oylarda O‘zbekistonga Rossiyadan 300 ta avtomobil olib kelingan bo‘lsa, aprel oyida bor-yog‘i 107 ta bo‘ldi.
Izoh (0)