Farg‘ona vodiysida 15—17-iyun kunlari sel kelishi xavfi mavjud

15—17-iyun kunlari kutilayotgan yomg‘irlar yog‘ishi hisobiga Farg‘ona vodiysi viloyatlarining tog‘oldi va tog‘li hududlarida sel-suv toshqin hodisalari yuzaga kelishi mumkin. Bu haqda “O‘zgidromet” xabar berdi.

Jumladan:

• Namangan viloyati: Pop, Kosonsoy, Chortoq, Chust, Namangan, Yangiqo‘rg‘on tumanlarida;
• Farg‘ona viloyati: So‘x, Farg‘ona, Beshariq tumanlarida;
• Andijon viloyati: Andijon, Asaka, Jalaquduq, Qo‘rg‘ontepa, Paxtaobod, Izbosgan, Xo‘jaobod, Marhamat tumanlarida va Xonobod shahrida sel-suv toshqin hodisalari yuzaga kelishi mumkin.

“Tog‘oldi va tog‘li hududlarda istiqomat qiluvchi fuqarolardan, dam oluvchilardan hamda tog‘li hududlarda harakatlanuvchi haydovchilardan ehtiyotkorlik choralarini ko‘rishlarini so‘raymiz”, — deyiladi xabarda.

Eslatib o‘tamiz, 10—14-iyun kunlari O‘zbekistonning 9 ta viloyatida sel kelishi xavfi e’lon qilingandi.

Mavzuga doir: 

• Dehqonobod tumaniga sel keldi (video)
• O‘zbekistonda mart—may oylaridagi sel va ko‘chkilar oqibatida 9 nafar inson va 450 dan ortiq bosh chorva mollari nobud bo‘ldi