Фарғона туманида 15 июнь куни сел оқимлари кузатилди. Бу ҳақда Фарғона Гидрометеорология бошқармаси хабар қилди.
Қайд этилишича, шу куни соат 16:10 ларда қўшни Қирғизистоннинг Боткен вилояти Қадамжой тумани Охна мавзесининг тоғли ҳудудларига кучли жала ёғган. Оқибатда Фарғона тумани «Водил» сув тақсимлаш иншоотида, тахминан, 50 м3/с ҳажмдаги сел оқимлари кузатилган.
Ҳодисада аҳоли ва қишлоқ хўжалик экинларига зарар етмаган.
Аввалроқ 10—14 июнь кунлари Ўзбекистоннинг 9 та вилоятида сел келиши хавфи эълон қилинганди. Жумладан, Фарғона водийсида 15—17 июнь кунлари сел келиши хавфи мавжуд.
Изоҳ (0)