Ukraina AQSHdan uni lend-liz doirasida gaz bilan ta’minlashni so‘radi

Ukraina energetika sektori vakillari AQSH bilan mamlakatni Amerika suyultirilgan gazi (LNG) bilan ta’minlaydigan energetika sohasida “kredit-lizing shartnomasi” tuzish tashabbusi bilan chiqdi. Bu haqda Amerikaning Foreign Policy jurnali xabar bermoqda.

Nashrning yozishicha, Ukraina tomoni AQSH va G‘arb davlatlarini Kiyevga energiya resurslaridan foydalanish imkonini beruvchi bir qator takliflar bilan tanishtirgan.

Kiyev kredit-lizing shartnomasini amalga oshirish doirasida AQSHdan 6 mlrd kub metr LNG yetkazib berilishini kutmoqda.

Ukrainaning o‘z terminallari yo‘qligi sababli gazni Yevropaga, keyin esa Ukrainaga quvur orqali yetkazib berish rejalashtirilgan. Mamlakat gaz ishlab chiqarishni ko‘paytirganidan keyin AQSHga to‘lov qilishi mumkin.

Ma’lum bo‘lishicha, AQSH taklifdan hayron bo‘lgan, lekin buni eshitib yaxshi qabul qilgan.

Bundan tashqari, Kiyev AQSHning Xalqaro taraqqiyot moliya korporatsiyasidan mablag‘ olmoqchi. Ukraina Yevropa davlatlarini mamlakat mineral-xomashyosini o‘zlashtirishga sarmoya kiritishga ko‘ndira olishiga umid qilmoqda.

Mavzuga doir:

• Bayden Ukraina uchun lend-liz to‘g‘risidagi qonunni imzoladi. Bu nimani anglatadi?
• AQSH Ukrainaga baravar o‘t ochish tizimlarini yetkazib bermoqchi, bu jangovar harakatlar borishini o‘zgartirib yuborishi mumkin