Turkiya Qora dengiz sohillari yaqinida gaz quvuri yotqizishni boshlamoqda. Bu haqda mamlakat prezidenti Rajab Toyyib Erdo‘g‘on ma’lum qildi.
Qora dengizda gaz qazib olishning shunday muhim bosqichiga yetganimizdan juda mamnunmiz. 2023-yilning birinchi choragida milliy gaz uzatish tizimimizga 10 mln kub metr gaz kiradi, — dedi Erdo‘g‘on.
Uning so‘zlariga ko‘ra, 2023-yilning birinchi choragida Turkiya Qora dengizdagi yangi kondan 10 mln kub metrga yaqin gaz qazib olinadi. Rejaga ko‘ra, ishlab chiqarish 2026-yilgacha eng yuqori cho‘qqiga chiqishi kerak.
Qora dengiz shelfidagi gaz qazib olinadigan Sakarya koni Turkiya tomonidan 2020-yilda kashf etilgan bo‘lib, u butun mintaqadagi eng yirik kon hisoblanadi. Rasmiylar uning zaxirasini 540 mlrd kub metr deb baholamoqda.
Turkiya energetika vaziri Fotih Do‘nmezning ta’kidlashicha, qazib olish boshlanishidan oldin ishchilar o‘nta quduqni ishga tushiradi. Dastlab ular kondan kuniga 10 mln kubometrga yaqin, uch-to‘rt yildan keyin esa 40 mln kubometr gaz ishlab chiqarishni rejalashtirgan.
39 kilometr uzunlikdagi gaz quvurining quruqlikdagi qismining qurilish jarayoni 2022-yilning noyabr oyida yakunlanishi kutilmoqda. Uning umumiy uzunligi 211 kilometrni tashkil etadi, shundan 170 kilometrga yaqini suv ostida yotqiziladi.
Erdo‘g‘onga ko‘ra, gaz quvuri orqali yetkazib berish 2023-yildan kechiktirmay boshlanadi. Sobiq bosh vazir Binali Yildirim, Sakariyaning gaz zaxiralari mamlakatga 45 yilga yetishini da’vo qildi.
Avvalroq Erdo‘g‘on Putin va Zelenskiy bilan “don yo‘lagi” yaratishni muhokama qilishi haqida xabar berilgandi.
Izoh (0)