Fitch joriy yil uchun global yalpi ichki mahsulotning o‘sish prognozini 2,9 foizgacha pasaytirib, global inflyatsiyaning o‘sish istiqbollariga tobora salbiy ta’sir ko‘rsatayotganini qayd etdi.
Mart oyida tuzilgan oldingi prognozlarda Fitch global yalpi ichki mahsulotning o‘sishini 3,5 foizga baholagan edi. Endi 2023-yil uchun global iqtisodiy o‘sish prognozini 0,1 foizdan 2,7 foizgacha pasaytirdi.
Hududlar orasida Xitoy yalpi ichki mahsulot prognozi eng katta o‘zgarishlarga ega. Agar mart oyida agentlik bu ko‘rsatkichni 4,8 foiz deb prognoz qilgan bo‘lsa, hozirda mamlakat iqtisodiyoti uchun jiddiy antikovid cheklovlari oqibatlarini hisobga olib, uni 3,7 foizga tushirdi.
AQSHda YaIM o‘sishi prognozlari ham 0,6 foizga qisqarib, 2,9 foizni tashkil etdi. Yevropada 0,4 foizga qisqarib, 2,6 foizga yetdi.
Yevropada inflyatsiya real iste’molchilar daromadlariga ta’sir qiladi, Germaniya sanoati esa ta’minot zanjiri muammolari va Xitoydagi iqtisodiy sekinlashuvdan aziyat chekmoqda, — deyiladi hisobotda.
2023-yil uchun Fitch iqtisodiy o‘sishning AQSHda 1,5 foizgacha, 2024-yilda esa 1,3 foizgacha pasayishini bashorat qilmoqda.
Tarixiy tajriba AQSHda retsessiya xavfi yuqori ekanligini ko‘rsatmoqda, — deb ta’kidlaydi Fitch.
Agentlik ma’lumotlariga ko‘ra, Fed joriy yilning to‘rtinchi choragida foiz stavkalarini 3 foizga, 2023-yilning birinchi choragida esa 3,5 foizga oshiradi. Angliya banki esa foiz stavkalarini mos ravishda 2 foiz va 2,5 foizgacha, Yevropa Markaziy banki esa 100, keyin esa yana 50 bazaviy punktga oshiradi.
Avvalroq O‘zbekiston iqtisodiyotida o‘sish sur’ati pasayganining sabablari ma’lum qilingan edi.
Izoh (0)