Fitch жорий йил учун глобал ялпи ички маҳсулотнинг ўсиш прогнозини 2,9 фоизгача пасайтириб, глобал инфляциянинг ўсиш истиқболларига тобора салбий таъсир кўрсатаётганини қайд этди.
Март ойида тузилган олдинги прогнозларда Fitch глобал ялпи ички маҳсулотнинг ўсишини 3,5 фоизга баҳолаган эди. Энди 2023 йил учун глобал иқтисодий ўсиш прогнозини 0,1 фоиздан 2,7 фоизгача пасайтирди.
Ҳудудлар орасида Хитой ялпи ички маҳсулот прогнози энг катта ўзгаришларга эга. Агар март ойида агентлик бу кўрсаткични 4,8 фоиз деб прогноз қилган бўлса, ҳозирда мамлакат иқтисодиёти учун жиддий антиковид чекловлари оқибатларини ҳисобга олиб, уни 3,7 фоизга туширди.
АҚШда ЯИМ ўсиши прогнозлари ҳам 0,6 фоизга қисқариб, 2,9 фоизни ташкил этди. Европада 0,4 фоизга қисқариб, 2,6 фоизга етди.
Европада инфляция реал истеъмолчилар даромадларига таъсир қилади, Германия саноати эса таъминот занжири муаммолари ва Хитойдаги иқтисодий секинлашувдан азият чекмоқда, — дейилади ҳисоботда.
2023 йил учун Fitch иқтисодий ўсишнинг АҚШда 1,5 фоизгача, 2024 йилда эса 1,3 фоизгача пасайишини башорат қилмоқда.
Тарихий тажриба АҚШда рецессия хавфи юқори эканлигини кўрсатмоқда, — деб таъкидлайди Fitch.
Агентлик маълумотларига кўра, Фед жорий йилнинг тўртинчи чорагида фоиз ставкаларини 3 фоизга, 2023 йилнинг биринчи чорагида эса 3,5 фоизга оширади. Англия банки эса фоиз ставкаларини мос равишда 2 фоиз ва 2,5 фоизгача, Европа Марказий банки эса 100, кейин эса яна 50 базавий пунктга оширади.
Аввалроқ Ўзбекистон иқтисодиётида ўсиш суръати пасайганининг сабаблари маълум қилинган эди.
Изоҳ (0)