Finlyandiya prezidenti Saule Niinistyo mamlakat NATOga Shvetsiyadan alohida a’zo bo‘lmasligini aytdi. Bu ikki mamlakat may oyida alyansga a’zolik bo‘yicha ariza topshirgan edi.
“Aytishim mumkinki, Shvetsiyaning holati — bizning holatimiz. Bu oldinga birgalikda intilishimizni anglatadi”, — dedi Finlyandiya prezidenti.
Shuningdek, u Anqaraning Xelsinki va Stokgolm terrorchilarni qo‘llab-quvvatlayotgani haqidagi da’volari uni “hayratda qoldirganini” ta’kidladi.
“Turkiyaning pozitsiyasidan hayratda qoldik, lekin xalqaro siyosatda boshqa tomonning aytganini jiddiy qabul qilishimiz kerak. Shunday qilamiz ham. Umid qilamanki, barchani qoniqtiradigan yechim topamiz”, — deya qo‘shimcha qildi Niinistyo.
Avvalroq Finlyandiya Anqaraning NATOga a’zo bo‘lish shartini bajarishdan — Turkiya hukumati terrorchilar bilan aloqadorlikda ayblayotgan odamlarni Turkiyaga topshirishdan bosh tortgani xabar qilingan.
Izoh (0)