Кеча, 12 июнь куни, Sinxua агентлиги хабарига кўра, Хитой пойтахтида 51 та COVID-19 касаллиги қайд этилган. Барча касалланиш у ёки бу тарзда Чаоянг туманидаги Heaven бари билан боғлиқ. Шаҳар мерияси ҳудудда қисман локдаунни тиклади ва мактабларни онлайн ўқитишга қайтарди. Фақат имтиҳон топшириши керак бўлган ўрта, юқори синф ўқувчилари мактабга боришни давом эттиради.
Пекин шаҳри ҳукумати 1 июндан бошлаб шаҳарда бир ойдан ортиқ вақтдан бери амалда бўлган қаттиқ коронавирус чекловларини бекор қила бошлади. Энди улар, Reuters агентлигига кўра, фуқаролар янги оммавий тестдан ўтказилишини эълон қилди.
Ўтган жума куни Шанхай шаҳри ҳокимияти иккинчи карантин жорий қилишга мажбур бўлди. Сўнгги бир неча кун ичида у ерда 502 та янги COVID-19 касалланиш ҳолати аниқланганди.
Изоҳ (0)