Toshkentning “O‘rikzor” bozori hududida issiq suv quvuri yorilishi oqibatida bozorni suv bosgani haqida xabar berilgan edi. “Toshissiqquvvati” matbuot xizmati savdo majmuasi hududidagi suv toshishi to‘xtatilganini ma’lum qildi.
Holat 13-iyun kuni yuz bergandi. Hozirgida barcha kommunal tizimlarda kuz-qish mavsumiga sinov-tayyorgarlik ishlari olib borilayotgan vaqtda bozor hududidan o‘tgan tarmoqda ham katta bosimda sinov ishlari olib borilayotgan bo‘lgan va D-800 millimetrli magistral issiqlik tarmog‘ida quvur yorilishi kuzatilgan. Oqibatda bozor hududini suv bosgan. Holat eks etgan videolar esa ijtimoiy tarmoqlarda tarqaldi.
Xabarda aytilishicha, hozirda avariya tiklash ishlariga “Toshissiqquvvati” DUK Uchtepa tuman boshqarmasining maxsus texnika hamda avariya tiklash guruhi jalb etilib, avariyani zudlik bilan bartaraf etish choralari ko‘rilmoqda.
Izoh (0)