Тошкентнинг «Ўрикзор» бозори ҳудудида иссиқ сув қувури ёрилиши оқибатида бозорни сув босгани ҳақида хабар берилган эди. «Тошиссиққуввати» матбуот хизмати савдо мажмуаси ҳудудидаги сув тошиши тўхтатилганини маълум қилди.
Ҳолат 13 июнь куни юз берганди. Ҳозиргида барча коммунал тизимларда куз-қиш мавсумига синов-тайёргарлик ишлари олиб борилаётган вақтда бозор ҳудудидан ўтган тармоқда ҳам катта босимда синов ишлари олиб борилаётган бўлган ва Д-800 миллиметрли магистрал иссиқлик тармоғида қувур ёрилиши кузатилган. Оқибатда бозор ҳудудини сув босган. Ҳолат экс этган видеолар эса ижтимоий тармоқларда тарқалди.
Хабарда айтилишича, ҳозирда авария тиклаш ишларига «Тошиссиққуввати» ДУК Учтепа туман бошқармасининг махсус техника ҳамда авария тиклаш гуруҳи жалб этилиб, аварияни зудлик билан бартараф этиш чоралари кўрилмоқда.
Изоҳ (0)