Ijtimoiy tarmoqlarda Toshkentning “O‘rikzor” bozori hududida issiq suv quvuri yorilgani tasvirlangan videolar tarqaldi. Uy-joy kommunal xizmat ko‘rsatish vazirligi holatga munosabat bildirdi.
Ma’lum qilinishicha, hozirgi vaqtda barcha kommunal tizimlarda kuz-qish mavsumiga sinov-tayyorgarlik ishlari ketmoqda. Xususan, issiq suv trubasi yorilgan ushbu bozor hududidan o‘tgan tarmoqda ham katta bosimda sinov ishlari olib borilayotgan bo‘lgan va D-800 millimetrli magistral issiqlik tarmog‘ida quvur yorilishi kuzatilgan. “Ayni daqiqada mutaxassislar holatni bartaraf etish bo‘yicha ishlamoqda”, — deyiladi munosabatda.
Izoh (0)