AQSH Qurolli Kuchlari Markaziy qo‘mondonligining qo‘mondoni, general Maykl Erik Kurilla rahbarligidagi AQSH harbiy delegatsiyasi O‘zbekistonga tashrif buyurdi. Bu haqda “Daryo” muxbiri xabar bermoqda.
Mudofaa vazirligi markaziy apparatida 13-iyun kuni general Maykl Erik Kurilla rahbarligidagi AQSH harbiy delegatsiyasi O‘zbekiston mudofaa vaziri general-leytenant Bahodir Qurbonov tomonidan qabul qilindi.
Qabul davomida har ikki tomon O‘zbekiston va AQSh o‘rtasidagi munosabatlar tenglik, ishonch va hurmat, o‘zaro manfaatlarni inobatga olish kabi prinsiplar asosida rivojlanayotgani, strategik sheriklik darajasiga yetganligi ta’kidlab o‘tildi.
Shuningdek, ikki davlat mudofaa vazirliklari o‘rtasidagi hamkorlik holati va istiqbollari, jumladan, harbiy va harbiy-texnik sohalarda, Markaziy Osiyo mintaqasida xavfsizlikni ta’minlashga qaratilgan ikki tomonlama hamkorlik munosabatlari hamda do‘stona hamkorlikning muhim jihatlari muhokama qilindi.
Mavzuga doir: Emomali Rahmon Toshkentdagi Texnoparkka tashrif buyurdi
Izoh (0)