Muayyan rolni ishonarli qilib ijro etish uchun aktyor imkon qadar rolini his qilishi, film qahramoni uchun odatiy bo‘lgan harakatlarni bajara olishi kerak. Ba’zilar yangi ko‘nikmalarni o‘rganish uchun soatlab mashg‘ulot o‘tkazadi, boshqalar esa kinoda boshqa iste’dodlarini namoyish etish imkoniyatidan zavqlanadi.
Kianu Rivz (“Yangi qon”, 1986)
“Yangi qon” dramasida Kianu Rivz Xiver ismli xokkey darvozaboni rolini o‘ynaydi. Badiiy filmdagi bu rol yosh aktyor uchun debyut edi. Rivzning filmda xokkey bo‘yicha haqiqiy mahoratini ko‘rsatgani, ayniqsa, e’tirof etiladi. Rivz yoshligida ushbu mashhur sport turi bilan shug‘ullangan.
Mishel Pfayffer (“Betmen qaytmoqda”, 1992)
Intervyularining birida Mishel Pfayffer mushuk-ayol roli uchun bir necha oy davomida yoga, gimnastika va kikboksing bilan shug‘ullanganini aytadi. U hatto Entoni De Longisdan qamchi ishlatishni ham o‘rgangan. Aktrisa qamchi ishlatishni shu qadar mohirlik bilan o‘rganadiki, manekenning boshini kesish sahnasi 1 martada suratga olingan.
Sigurni Uiver (“Tumandagi gorillalar: Dayan Fossi hikoyasi”, 1988)
Ushbu film ekranlarga chiqqandan so‘ng, aktrisa zoolog Dian Fossi roli uchun “Oskar” mukofotiga nomzod bo‘ladi. Qizig‘i shundaki, ba’zi sahnalarda Sigurni Uiver haqiqiy gorillalar bilan ishlashiga to‘g‘ri kelgan, shuning uchun u suratga olishdan oldin turli imo-ishoralarni va maymunlardek tovush chiqarishni o‘rgangan.
Dastin Xoffman (“Harvining so‘nggi imkoniyati”, 2008)
Mazkur dramatik filmning sahnalaridan birida Dastin Xoffman ijro etgan bosh qahramon pianino chalib, “Shot the Breeze” qo‘shig‘ini kuylaydi. Aktyor ushbu kompozitsiyani yoshligida, birinchi sevgilisi bilan ajrashgandan keyin yozgan.
Bir necha o‘n yillar o‘tgach, Xoffman Parade jurnaliga bergan intervyusida dastlab onasi kabi jazz pianinochisi bo‘lishni xohlaganini aytadi. Ammo bir muncha vaqt o‘tgach, Xoffman musiqada emas, balki aktyorlikda muvaffaqiyat qozonish uchun ko‘proq imkoniyatga ega ekanini tushunadi.
Rut Uilson (“Qora daryo”, 2017)
Rut Uilson ushbu filmda qo‘y yungini qirqishi kerak bo‘lgan ferma ishchisi rolini o‘ynaydi. Filmni suratga olishdan oldin aktrisa qo‘y junini qirqish va kalamushlardan qo‘rqmaslikni o‘rgangan. Filmda unga ancha qiyin bo‘lganini tan oladi. Ammo uning qahramoni qishloq xo‘jaligi sohasining mutaxassisi bo‘lishi kerakligi sababli u haqiqiy fermada ishlash qanday ekanini his qilish muhimligini bilardi.
Tom Holland (“O‘rgimchak odam: Uyga qaytish”, 2017)
Tom Holland Piter Parker rolini nafaqat aktyorlik mahorati, balki ajoyib akrobatik qobiliyatlari va aqlbovar qilmaydigan plastikligi uchun ham qo‘lga kiritadi. Maktab yoshidayoq Holland xip-xopga raqsga tushar, myuzikllarda o‘ynardi.
Albatta, “O‘rgimchak odam” filmida ko‘plab kompyuter effektlari qo‘llangani hammaga ayon, biroq aktyorning sakrashlari, saltolari va boshqa harakatlari haqiqiy.
Jon Devid Vashington (“Dovod”, 2020)
Jon Devid Vashington Kristofer Nolanning filmida insoniyat omon qolishini uchun vaqtni qanday boshqarishni o‘rganishi kerak bo‘lgan maxfiy agent rolini o‘ynaydi. Ijro ishonarli chiqishi uchun aktyor nafaqat orqaga harakat qilishni, balki xuddi shunday gapirishni ham o‘rganishi kerak edi. Faqat shundagina sahnalarni iloji boricha real suratga olish mumkin edi.
Xarrison Ford (“Guvoh”, 1985)
Film sujetiga ko‘ra, bosh qahramon vayron bo‘lgan qushxonani ta’mirlaydi va ombor qurishda yordam beradi. Qizig‘i shundaki, Xarrison Ford chinakam muvaffaqiyatli aktyor bo‘lgunga qadar duradgor bo‘lib ishlagan. Rejissor Jorj Lukas buni payqab qoladi va keyinchalik aktyorni “Yulduzlar jangi” filmiga taklif qiladi.
Izoh (0)