Buyuk Britaniyada mamlakatni 70 yildan buyon boshqarib kelayotgan qirolicha Yelizaveta II ning “platina yubileyi” nishonlanmoqda. Bayram roliklarining birida qirolicha bilan birga Paddington ayig‘i ham paydo bo‘ldi, deb xabar beradi “Film.ru”.
Kompyuterda yaratilgan animatsion qahramon ishtirokida yozib olingan videoni Bukingem saroyi e’lon qilgan. Rolikda Paddington xushmuomalalik bilan Yelizavetaga marmeladli sendvichni olib keladi, qirolicha bunga javoban sendvichni “keyinroq yeyish uchun” sumkasida saqlashini aytadi.
Paddingtonga yana Ben Uishou ovoz bergan — u “Paddingtonning sarguzashtlari”ning ikkila qismida ham ayiqni “gapirtirgan” edi. Ayni vaqtda uchinchi filmga tayyorgarlik ko‘rilmoqda. Uning rejissori Maykl Bond: reliz 2023-yilga rejalashtirilgan.
Yelizaveta II taniqli kinoqahramonlar bilan birinchi marta sahnada paydo bo‘lmayapti: 2012-yilda Olimpiada o‘yinlari vaqtida u Jeyms Bond (Deniel Kreyg) bilan maxsus video uchun suratga tushgan.
Avvalroq qirolicha Yelizaveta II sog‘lig‘idagi muammolar sabab hukmronligining 70 yilligiga bag‘ishlangan tadbirda qatnashmasligi to‘g‘risida xabar berilgandi.
Izoh (0)