Turli filmlarda muvaffaqiyatli tandem yaratganini ko‘pchilik payqamagan jahon kinosi yulduzlari (foto)

Ba’zida aktyorlar birgalikda shunday yorqin obrazlar yaratishadiki, bu bir nechta mashhur loyihalarda paydo bo‘ladigan muvaffaqiyatli professional tandemning shakllanishiga olib keladi. Misol uchun, Meril Strip Emili Blant bilan birgalikda 3 ta filmda rol o‘ynashgan va ularning barchasi tomoshabinlar qalbidan joy olgan.

Meril Strip va Leonardo Di Kaprio

2021-yilda Leonardo Di Kaprio va Meril Strip ishtirokidagi “Yuqoriga qarama” satirik filmi chiqdi. Biroq aktyorlar bundan avval ham birga ekranga chiqqan: Meril va Leo 1996-yilda “Marvinning xonasi” dramasida ona va o‘g‘il rolini o‘ynagan. O‘shanda Di Kaprio Strip bilan ishlashdan nihoyatda xursand bo‘lgan va uni dunyodagi eng iqtidorli aktrisa deb atagan.

Keyt Uinslet va Gay Pirs

Aktyorlar birinchi marta 2011-yilda “Mildred Pirs” teleserialida sevishganlar rolini o‘ynagan. 10 yil o‘tgach esa ular “Isttaunlik Meril” kriminal serialida yana juftlik obrazini gavdalantirdi.

Emma Tompson va Entoni Xopkins

Emma Tompson va Entoni Xopkinsning birinchi qo‘shma loyihasi 1992-yilda Edvard Forsterning “Govards End” xuddi shu nomli romanining ekranlashtirilgan variant edi. Bir yil o‘tgach, aktyorlarning yana bir hamkorlikdagi ishi — 8 ta “Oskar”ga nomzod bo‘lgan “Kun qoldiqlari” melodramasi namoyish etildi.

Salli Fild va Tom Xenks

1994-yilda “Forrest Gamp” filmida mehribon ona va uning hech kimga o‘xshamaydigan farzandi obrazini yaratishdan oldin Salli Fild va Tom Xenks mashhur “Xislat” melodramasida juftlik rolida chiqqan.

Meril Strip va Emili Blant

12 yil davomida Meril Strip va Emili Blant 3 ta kartinada birga rol o‘ynashga muvaffaq bo‘lishdi. Birinchi sevimli komediya “Qattiqqo‘l xonim” (2006), keyin “O‘rmondan uzoqroq” (2014) myuzikli va 4 yildan so‘ng aktrisalar “Meri Poppins qaytmoqda” filmida birga ishtirok etishdi.

Meril Strip va Stenli Tuchchi

Aktyorlar birinchi marta 2006-yilda “Qattiqqo‘l xonim” filmida tanishgan: unda Meril moda jurnali muharriri rolini o‘ynagan, Stenli esa uning sodiq yordamchisi edi. Uch yil o‘tgach, taqdir ularni yana birlashtirdi, “Juli va Juliya: retsept bo‘yicha baxt yaratamiz” biografik komediyasida er-xotin rolida ishtirok etishdi.

Jeyk Jillenhol va Enn Xeteuey

2010-yilda Enn Xeteuey va Jeyk Jillenhol “Muhabbat va boshqa dorilar” dramasida yorqin juftlik obrazini yaratdi. Ammo bundan 5 yil oldin ular “Bukri tog‘” filmida er-xotin rolida chiqqanini kam odam eslaydi.

Nikol Kidman va Jud Lou

“Sovuq tog‘” filmida Nikol Kidman va Jud Lou o‘rtasidagi munosabat shunchalik ishonarli ediki, matbuotda ularning romantikasi haqida mish-mishlar tarqaldi. Kartina chiqqanidan 13 yil o‘tgach, aktyorlar yana sevishganlar — amerikalik yozuvchi va uning sevimli ayoli obrazini “Daho” filmida o‘ynashdi.

Antonio Kalloni va Letisiya Sabatella

Braziliyalik aktyorlar Antonio Kalloni va Letisiya Sabatella “Klon” telenovellasi chiqqandan keyin butun dunyoga tanildi. Ular mehribon turmush o‘rtoqlar Muhammad va Latifa obrazlarida ko‘rinish bergandi. Ma’lum bo‘lishicha, aktyorlar bundan avval ham birga ishlash tajribasiga ega bo‘lgan: “Klon” filmidan 10 yil oldin “Dunyo hukmdori” serialida juftlik rolini o‘ynashgan.