Kinotavsiya: Oila davrasida bolalar bilan tomosha qilish uchun 7 ta ajoyib film (foto)

Elle nashri bolalar zerikmasligi uchun oila davrasida tomosha qilish kerak bo‘lgan filmlardan yettitasini tavsiya qildi.

“Janob Spivetning aqlbovar qilmaydigan sayohati”

“Ameli” va boshqa kartinalarini suratga olgan fransuz kinorejissori Jan-Pyer Jenening filmi kattalar hamda bolalar uchun ham birdek qiziqarli. Sujet markazida katta ilmiy kashfiyot qilgan va buning uchun nufuzli mukofotga sazovor bo‘lgan 10 yoshli vunderkind T. S. Spivetning hikoyasi o‘rin olgan. Biroq muammo shundaki, uning “aqldan ozgan” oilasining hech biri bolani butun mamlakat bo‘ylab taqdirlash marosimiga olib borishni o‘z zimmasiga olmaydi. So‘ngra uning o‘zi yo‘lga chiqadi. Yo‘lda esa uni xavf-xatar va yangi do‘stlar kutadi. Bema’nilikka to‘la dunyoda sodir bo‘ladigan qiziqarli voqealar oila inson hayotidagi asosiy qadriyatlardan biri va munosabatlar mashhurlik va puldan muhimroq ekanini isbotlaydi.

“Men devkelbatlar bilan jang qilaman”

Zamonaviy dunyoda qizlar ham o‘zlarini to‘liq himoya qilishi va hatto butun dunyoni qutqarishi mumkinligini isbotlaydigan ajoyib film. “Men ulkan mahluqlar bilan jang qilaman” — ssenarist Jo Kelli va rassom H. M. Ken Niimuraning shu nomdagi asardan ekranlashtirilgan versiyasi hisoblanadi. 2014-yilda eng yaxshi qisqa metrajli “Geliy” filmi uchun “Oskar” mukofotiga sazovor bo‘lgan Anders Valter Xansen xavfli mavjudotlarni ko‘rish qobiliyatiga ega bo‘lgan qiz haqida hikoya qiladigan film suratga oldi. Qo‘rquv va jamiyatning noto‘g‘ri qarashlari bilan kurashish haqidagi metaforik kartina nafaqat mavzusi, balki mukammal operatorlik ishi va saundtreki uchun ham qiziq. Umuman olganda, film oilaviy tomosha qilish uchun ajoyib tanlov.

“Oliver Tvist”

Charlz Dikkens qalamiga mansub mashhur romanning ekranlashtirilgan versiyasi ham tomoshabinlar ko‘nglidan joy oldi. Maktabda adabiyot darslaridan hammaga tanish bo‘lgan ibratli va ta’sirli hikoya yillar o‘tsa ham eskirmaydi, shuningdek, taniqli rejissor tufayli yangicha mazmun kasb etdi. Kartinada dunyo butun voqelik va naturalizm bilan ko‘rsatilgan, ammo bu baxtli yakunni inkor etmaydi. “Pianinochi” dramasiga rejissorlik qilgan Pavel Edelmanning operatorlik ishi, shuningdek, ekranda makkor o‘g‘ri Fegin obrazini gavdalantirgan Ben Kingslining aktyorlik mahorati alohida e’tiborga loyiq.

“Mahluqlar yashaydigan joyda”

Agar bola sizga bo‘ysunmasa va o‘zaro kelishmovchiliklarning oxiri bo‘lmasa, birgalikda Spayk Jonzning “Mahluqlar yashaydigan joyda” filmini tomosha qilishingiz kerak. Kartina noma’lum yirtqich hayvonlar yashaydigan orolda paydo bo‘lib qolgan to‘qqiz yoshli bola haqida hikoya qiladi. Filmning bosh qahramoni g‘ayrioddiy muhitda o‘sgan, uning xarakteri atrofidagi odamlarga qanchalik zarar yetkazishini ko‘rish mumkin. Loyihaning muhim afzalligi shundaki, bu yerda odobli bo‘lish haqida so‘z ketmaydi, balki axloq ajoyib sujet va go‘zal tasvirlar ortida aqlli tarzda yashiringan.

“Sehrli o‘ka”

Jeyms Metyu Barrining hayoti haqida juda yaxshi hikoya qiluvchi biografik film rejissor Mark Foster tomonidan suratga olingan va loyihaga Jonni Depp va Keyt Uinsletni taklif etgan. Ijodkor Piter Pen va uning sevgilisi taqdiri haqidagi ta’sirchan va samimiy hikoya o‘zining badiiyligi bilan tomoshabinlar xotirasida abadiy qoladi: fojiali yakuniga qaramay, bu kartina haqiqatni tasdiqlaydi va odamlarga o‘z baxti uchun kurashishni o‘rgatadi. Film tanqidchilar tomonidan katta qiziqish bilan kutib olindi va bastakor Yan Kachmarek (“Xatiko” filmi uchun musiqa yozgan) “Sehrli o‘lka”ga yozgan saundtreki uchun “Oskar”ni olishga muvaffaq bo‘ldi.

“Mahluq ovozi”

Har doim ham inson hayoti muammosiz o‘tmaydi, hatto bu bolalarda ham kuzatiladi. Bolakay Konnor muammolarga to‘la: otasi onasini tashlab ketadi, beva qolgan ayolning ham o‘g‘liga vaqti yo‘q — u saraton kasalligiga chalingan. Eng yomoni bola maktabda tahqirlanadi, u buvisinikiga ko‘chib ketishga majbur bo‘ladi va u ham nabirasiga hech qanday qiziqish bildirmaydi. Tungi mahluqlar Konorni qiynashni boshlaydi, lekin qari daraxtdan chiqqan ulkan mahluq to‘satdan bu ishga aralashadi — u bolani qo‘rqitmoqchi emas, aksincha, u bolani kuchli bo‘lishi uchun muammolarni yengishga va yashashga yordam beradigan voqealarni aytib beradi.

“Terabitiyadagi ko‘prik”

2006-yilda “Terabitiyadagi ko‘prik” filmi namoyish etildi va u tomoshabinlar tomonidan iliq kutib olindi. Sehrli o‘rmonda qirol va malika bo‘lgan Jess Aron va Lesli Berk o‘rtasidagi do‘stlik hikoyasi jasorat va mardlik, shuningdek, yaqinlarini qadrlash va ularning oldidagi burchlar uchun javobgar bo‘lishni o‘rgatadi.