Муайян ролни ишонарли қилиб ижро этиш учун актёр имкон қадар ролини ҳис қилиши, фильм қаҳрамони учун одатий бўлган ҳаракатларни бажара олиши керак. Баъзилар янги кўникмаларни ўрганиш учун соатлаб машғулот ўтказади, бошқалар эса кинода бошқа истеъдодларини намойиш этиш имкониятидан завқланади.
Киану Ривз («Янги қон», 1986)
«Янги қон» драмасида Киану Ривз Хивер исмли хоккей дарвозабони ролини ўйнайди. Бадиий фильмдаги бу рол ёш актёр учун дебют эди. Ривзнинг фильмда хоккей бўйича ҳақиқий маҳоратини кўрсатгани, айниқса, эътироф этилади. Ривз ёшлигида ушбу машҳур спорт тури билан шуғулланган.
Мишел Пфайффер («Бетмен қайтмоқда», 1992)
Интервьюларининг бирида Мишел Пфайффер мушук-аёл роли учун бир неча ой давомида ёга, гимнастика ва кикбоксинг билан шуғулланганини айтади. У ҳатто Энтони Де Лонгисдан қамчи ишлатишни ҳам ўрганган. Актриса қамчи ишлатишни шу қадар моҳирлик билан ўрганадики, манекеннинг бошини кесиш саҳнаси 1 мартада суратга олинган.
Сигурни Уивер («Тумандаги гориллалар: Даян Фосси ҳикояси», 1988)
Ушбу фильм экранларга чиққандан сўнг, актриса зоолог Диан Фосси роли учун «Оскар» мукофотига номзод бўлади. Қизиғи шундаки, баъзи саҳналарда Сигурни Уивер ҳақиқий гориллалар билан ишлашига тўғри келган, шунинг учун у суратга олишдан олдин турли имо-ишораларни ва маймунлардек товуш чиқаришни ўрганган.
Дастин Хоффман («Ҳарвининг сўнгги имконияти», 2008)
Мазкур драматик фильмнинг саҳналаридан бирида Дастин Хоффман ижро этган бош қаҳрамон пианино чалиб, «Shot the Breeze» қўшиғини куйлайди. Актёр ушбу композицияни ёшлигида, биринчи севгилиси билан ажрашгандан кейин ёзган.
Бир неча ўн йиллар ўтгач, Хоффман Parade журналига берган интервьюсида дастлаб онаси каби жазз пианиночиси бўлишни хоҳлаганини айтади. Аммо бир мунча вақт ўтгач, Хоффман мусиқада эмас, балки актёрликда муваффақият қозониш учун кўпроқ имкониятга эга эканини тушунади.
Рут Уилсон («Қора дарё», 2017)
Рут Уилсон ушбу фильмда қўй юнгини қирқиши керак бўлган ферма ишчиси ролини ўйнайди. Фильмни суратга олишдан олдин актриса қўй жунини қирқиш ва каламушлардан қўрқмасликни ўрганган. Фильмда унга анча қийин бўлганини тан олади. Аммо унинг қаҳрамони қишлоқ хўжалиги соҳасининг мутахассиси бўлиши кераклиги сабабли у ҳақиқий фермада ишлаш қандай эканини ҳис қилиш муҳимлигини биларди.
Том Ҳолланд («Ўргимчак одам: Уйга қайтиш», 2017)
Том Ҳолланд Питер Паркер ролини нафақат актёрлик маҳорати, балки ажойиб акробатик қобилиятлари ва ақл бовар қилмайдиган пластиклиги учун ҳам қўлга киритади. Мактаб ёшидаёқ Ҳолланд хип-хопга рақсга тушар, мюзиклларда ўйнарди.
Албатта, «Ўргимчак одам» фильмида кўплаб компьютер эффектлари қўллангани ҳаммага аён, бироқ актёрнинг сакрашлари, салтолари ва бошқа ҳаракатлари ҳақиқий.
Жон Дэвид Вашингтон («Довод», 2020)
Жон Дэвид Вашингтон Кристофер Ноланнинг фильмида инсоният омон қолишини учун вақтни қандай бошқаришни ўрганиши керак бўлган махфий агент ролини ўйнайди. Ижро ишонарли чиқиши учун актёр нафақат орқага ҳаракат қилишни, балки худди шундай гапиришни ҳам ўрганиши керак эди. Фақат шундагина саҳналарни иложи борича реал суратга олиш мумкин эди.
Харрисон Форд («Гувоҳ», 1985)
Фильм сюжетига кўра, бош қаҳрамон вайрон бўлган қушхонани таъмирлайди ва омбор қуришда ёрдам беради. Қизиғи шундаки, Харрисон Форд чинакам муваффақиятли актёр бўлгунга қадар дурадгор бўлиб ишлаган. Режиссёр Жорж Лукас буни пайқаб қолади ва кейинчалик актёрни «Юлдузлар жанги» фильмига таклиф қилади.
Изоҳ (0)