Dunyo kompaniyalari sanksiyalardan keyin Rossiyadagi operatsiyalaridan 59 mlrd dollardan ko‘proq zarar ko‘rdi. Bu haqda Wall Street Journal xabar bermoqda.
Yevropa Ittifoqi tadqiqotchilarining fikriga ko‘ra, mingdan ortiq G‘arb bizneslari Ukrainaga bostirib kirishi ortidan Rossiyadagi faoliyatini to‘xtatishga va’da bergandi.
Ko‘plab banklar hamda pivo ishlab chiqaruvchilaridan tortib, restoranlar va hatto o‘rmon xo‘jaliklarigacha bo‘lgan bir qator sohalar katta zarar ko‘rmoqda.
Fast fud giganti McDonald’s Rossiyadagi restoranlarini mahalliy litsenziya egasiga sotishga rozi bo‘lganidan keyin 1,4 mlrd dollar atrofida mablag‘ yo‘qotdi.
Exxon mobil kompaniyasi Rossiyaning sharqiy hududlaridagi neft va gaz loyihasida faoliyatini to‘xtatganidan keyin 3,4 mlrd dollar zarar ko‘rdi.
Budweiser pivo ishlab chiqaruvchisi AB InBev kompaniyasi Rossiya qo‘shma korxonasidagi o‘z ulushini sotishga qaror qilib, 1,1 mlrd dollar pul yo‘qotdi.
Buyuk Britaniyaning yirik neft kompaniyasi BP PLC Rossiyadan ketishiga qaror qilganidan keyin o‘tgan oyda umumiy 25,5 mlrd dollarlik to‘lov majburiyatini oldi.
Kelgusi oylarda yanada ko‘proq Rossiya bilan bog‘liq boshqa to‘lov majburiyatlari bo‘lishi kutilmoqda, chunki kompaniyalar mamlakatdan chiqib ketishning yakuniy bosqichini boshlagan.
Buxgalterlarning fikriga ko‘ra, sanksiyalar sabab Rossiyani tark etishi kutilayotgan kompaniyalar zarar qanchalik katta bo‘lishini hisoblab chiqmaguncha mamlakatdan ketmay turishi mumkin.
Uber’ga o‘xshagan kompaniyalar o‘z faoliyatini qisqartirish orqali sekinlik bilan Rossiyadagi biznesini to‘xtatishga urinmoqda.
Avvalroq Yevropa Rossiya gazini sanksiyalarni buzmasdan sotib olish rejasini ishlab chiqqani haqida xabar berilgan edi.
Izoh (0)