AQSH Hindistondan Rossiya neftini xarid qilmaslikni so‘radi

AQSH prezidenti Jo Bayden ma’muriyatining yetakchi xalqaro energiya maslahatchisi Hindistonni Rossiyadan yoqilg‘i sotib olmaslikka chaqirdi. Hindiston Yevropada xaridorlarini yo‘qotgan chegirmali Rossiya neft importini oshirmoqda. Bu haqda Financial Times xabar berdi.

Yevropa neftni qayta ishlash zavodlari sanskiyalar tufayli Rossiya neftini sotib olishni qisqartirmoqda. Rossiyalik eksportchilar esa dengiz orqali neft narxini chegirmalar bilan Hindistonga sota boshladi.

Bu kabi bitimlar g‘arbiy mamlakatlarda umidsizlikka sabab bo‘lmoqda. Yevropa sanksiyalar bilan Rossiyaning daromadini cheklamoqchi bo‘lyapti va buning ortidan muqobil variantlar uchun neftga Rossiyanikiga qaraganda ko‘proq to‘layapti. 

AQSH Davlat departamentining energetika xavfsizligi bo'yicha katta maslahatchisi Amos Xochshteyn Hindistonni yevropalik iste’molchilar rekord darajadagi yoqilg‘i narxini to’layotgan paytda Rossiya neftining chegirmalaridan foyda ko‘rmaslikka chaqirgan.

Uning aytishiga qaraganda agar Hindiston Rossiya neftini sotib olmasa, boshqa hech bir davlat bunday qilmaydi.

Yevropaliklar va amerikaliklar narxlardan qiynalayotganidan foydalanayotganday bo‘lib qolmang — deydi Amos Xochshteyn. 

Rossiya neft eksporti so'nggi haftalarda bir barrel uchun xalqaro ko'rsatkich bo'lgan Brent markasidan deyarli 30 dollarga arzonga sotildi.

Rossiya eksporti hajmi o‘z neftiga nisbatan kengaygan g‘arbiy embargoga qaramay barqaror bo‘lib qoldi. Brent esa yil boshidan buyon deyarli 60 foizga oshib, payshanba kuni bir barrel uchun 123,07 dollarni tashkil etdi va bu Kremlga kutilmagan foyda keltirdi.

Rossiya haqiqatda daromad bo'yicha yaxshiroq holatda. Ular neftdan urushdan avvalgiga qaraganda ko‘proq foyda ko‘rayapti, — deydi respublikachi senator Ron Jonson. 

Hindiston urushdan avval Rossiyadan Urals markali neftni import qilmas edi. Biroq iyun oyidan neft importi kuniga 1 mln barreldan oshib ketishi prognoz qilinmoqda.

Avvalroq Neft narxining yuqoriligi AQSHni saudiyaliklar bilan qayta aloqa o‘rnatishga majbur qilayotgani haqida xabar berilgan edi.