Германия канцлери Олаф Шольц Россияга нисбатан Украинадаги ҳарбий операцияларни бошлаганидан кейин қўлланган санкияларни ечиб ташлаш учун урушга барҳам беришнинг ўзи камлик қилишини таъкидлади.
Санкцияларни бекор қилиш учун вазиятни барқарорлаштириш талаб этилади, дея қайд этган Шольц.
«Россияга қўлланилган санкцияларни бир уринишда ўт очиш тартибини тўхтатиш орқали бекор қилиб бўлмайди», — деган Олаф Шольц Сербия президенти Александр Вучич билан бирга ўтказилган матбуот анжуманида (Reuters иқтибоси).
«Муаммони ҳал этиш учун вазият меъёрга келиши лозим»,— дейди Шольц («ТАСС» иқтибоси).
«Биз жорий қилган санкциялар бу рестриксияларнинг бешинчи пакети ва бошқа мамлакатларнинг ҳам тақиқлари, бу жанговар ҳаракатлар тўхтаганидан кейин бекор бўладиган иш эмас. Энг асосий шарт — вазиятнинг ўзгариши, меъёрга келиши, Россия Украинага қандай тинч яшашни буюра олмаслигини, Москва ва Киев Украинанинг ҳудудий яхлитлиги ҳамда суверенитети кафолатланиши борасида келишув тузиш учун мулоқот қилиши кераклигини тушуниши зарур»,— дея таъкидлаган Германия канцлери (RT иқтибоси).
Вучич эса Олаф Шольцнинг Сербиядан Россияга қарши санкцияларга қўшилишни сўрагани ҳақида баёнот берган.«Канцлер Шольц аниқ ва тушунарли қилиб Сербия республикасидан Евроиттифоқ ҳамда бошқа мамлакатлар Россияга қарши қўллаган санкциялар, бошқа чораларга қўшилишни сўради»,— деган у («ТАСС»).
«Биз келгуси қишда нималар бўлиши ҳақида суҳбатлашдик, ҳозир дуч келаётган қийинчилик ва муаммолар ҳақида канцлер Шольцга гапириб бердим»,— дейди Александр Вучич.
У Олаф Шольцнинг инқирозни ҳал этиш борасида ёрдам ваъда қилганини таъкидлаган. Шольц Сербия Европа иттифоқига киришга интилаётганини инобатга олган ҳолда мамлакатнинг бошқа аъзолар каби санкцияларни қўллаб-қувватлаши жуда муҳим эканлигини билдирган.
Эслатиб ўтамиз, Германия канцлери Болқон яриморолининг ғарб томонга саёҳат бошлаган. 10 июнь куни у Приштинада бўлган, у ерда Косово бош вазири Албин Курти билан учрашганди. Сербия президенти билан музокараларда у энергетика ва Россия билан муносабатларни муҳокама қилган.
Изоҳ (0)