Professional boksning og‘ir vazn toifasida (+90,7 kg) harakat qilib kelayotgan Bahodir Jalolov (11-0, 11 KO) 11-iyun tongida Nyu-Yorkdagi jang kechasida ringga ko‘tarildi.
Showtime tomonidan o‘tkazilgan musobaqada o‘zbekistonlik bokschiga belgiyalik Jek Mulovayi (11-3-1, 7 KO) raqiblik qildi.
Jalolov raqibini 8-raundda nokautga uchratdi. Bahodir chap tomondan yo‘llangan kuchli zarbasi bilan belgiyalikni ringga qulatdi. O‘zbekistonlik bokschi bungacha 6-raunda raqibini nokdaun holatiga ham tushirgandi.
Qayd etish kerak, mazkur jang 8 raundga mo‘ljallangan edi.
Jalolov so‘nggi marta 18-mart kuni Dubayda Kamil Sokolovskiga qarshi ringga chiqib, uni 5-raundda texnik nokaut evaziga mag‘lub etgandi. Jek Mulovayi esa so‘ngg marta 16-aprel kuni ringga chiqib, gruziyalik Giorgi Tamazashvili ustidan g‘alaba erishgan.
Bahodir Jalolov shu vaqtga qadar prof boksda 10 ta jang o‘tkazib, ularning barchasida nokaut evaziga g‘alaba qozongan.
Izoh (0)