“Bavariya” jamoani tark etishga yaqin turgan Robert Levandovskiga o‘rinbosar topdi.
Xabarga ko‘ra, myunxenliklar Levandovskini olib qololmasligiga ishonch hosil qildi. Shu sabab rahbariyat “Tottenhem” hujumchisi Harri Keynni xarid qilish imkoniyatini ko‘rib chiqmoqda.
Keynning “shportlar” bilan shartnomasi 2024-yil iyun oyida o‘z nihoyasiga yetadi. 2021/22-yilgi mavsumda Harri “Tottenhem” safida barcha musobaqalarda 50 ta o‘yinda ishtirok etib, 27 ta gol va 10 ta golli uzatmaga mualliflik qildi.
Avvalroq Levandovski nemis jamoasini tark etmoqchi ekanligi xabar qilingandi. Polshalik hujumchi 2014-yildan buyon “Bavariya” sharafini himoya qilib kelmoqda. Robertning Myunxen klubi bilan amaldagi shartnomasi 2023-yilda o‘z nihoyasiga yetadi.
Izoh (0)