Professional boksning og‘ir vazn toifasida (+90,7 kg) harakat qilib kelayotgan Bahodir Jalolov (10-0, 10KO) Toshkent vaqti bilan 11-iyun tongida Nyu-Yorkdagi jang kechasida ringga ko‘tariladi.
Showtime tomonidan o‘tkazilayotgan musobaqada o‘zbekistonlik bokschiga belgiyalik Jek Mulovayi (11-2-1, 7 KO) raqiblik qiladi. 8 raundga mo‘ljallangan ushbu jang musobaqaning asosiy janglaridan biri bo‘ladi.
Jang taxminan 11-iyun tongi soat 04:00 dan keyin boshlanadi.
Bahs oldidan sportchilar tarozidan o‘tdi. Unda Jalolov 114 kg qayd etgan bo‘lsa, Mulovayi 110 kg tosh bosgan.
Eslatib o‘tamiz, Jalolov so‘nggi marta 18-mart kuni Dubayda Kamil Sokolovskiga qarshi ringga chiqib, uni 5-raundda texnik nokaut evaziga mag‘lub etgandi. Jek Mulovayi esa so‘ngg marta 16-aprel kuni ringga chiqib, gruziyalik Giorgi Tamazashvili ustidan g‘alaba qozongan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)