“Reklama to‘g‘risida”gi qonun yangi talqinda prezident tomonidan imzolandi.
Unga ko‘ra, O‘zbekistonda ishlab chiqarilgan pivoni, tabiiy va ko‘piklanadigan vinolarni reklama qilishga quyidagi hollarda ruxsat beriladi:
- mehmonxonalarda, savdo va umumiy ovqatlanish joylarining savdo zallarida, bu turdagi mahsulotlar iste’mol qilinadigan joylarda;
- O‘zbekistonda ishlab chiqarilgan pivoni, tabiiy va ko‘piklanadigan vinolarni ishlab chiqaruvchi kompaniyaning rasmiy veb-sahifalarida;
- temir yo‘l va havo transporti vositalarida;
- televideniye va radio orqali mahalliy vaqt bilan soat 23:00 dan 07:00 ga qadar;
Reklamalarga qo‘yiladigan bir nechta talablar mavjud. Misol uchun reklama sportga oid muvaffaqiyatga erishish yoki jismoniy va ruhiy holatni yaxshilash uchun muhim ahamiyatga ega degan taassurotni uyg‘otmasligi kerak.
Yangi qoidalar 2022-yilning 7-sentyabrdan kuchga kiradi.
Izoh (0)