Qashqadaryo viloyati, Qarshi shahri, Mustaqillik ko‘chasidagi “Okrug zobitlar uyi” kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Yer uchastkasining umumiy maydoni — 0,95 gektar. Binolarning maydoni — 1 933 kvadrat metr. 1970-yilda qurilgan binoda suv, elektr ta’minoti va kanalizatsiya tizimi mavjud. Gaz ta’minoti esa yo‘lga qo‘yilmagan.
Auksionga qo‘yilgan lotning boshlang‘ich bahosi — 7,78 mlrd so‘m. Arizalar 4-iyul 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq “Darxon”dagi ikki qavatli binoning bir qismi qariyb 25 mlrd so‘mga auksionga qo‘yilgani haqida xabar berilgan edi.
Izoh (0)