Finlyandiyaning Metso Outotec kompaniyasi Olmaliq kon-metallurgiya kompaniyasi (OKMK) bilan asosiy texnologiyalarni yetkazib berish bo‘yicha shartnoma imzoladi. Bu haqda Finlyandiya kompaniyasi matbuot xizmati xabar bermoqda.
Qiymati 100 mln yevrodan oshadigan shartnoma yiliga 60 mln tonna quvvatga ega mis-oltin-molibden majmuasi uchun mo‘ljallangan. Zavod 2024-yilda qurilishi rejalashtirilgan qiymati 4,9 mlrd dollarlik “Yoshlik-1” koni yonida joylashgan.
Kelishuv doirasida qayta silliqlash tegirmonlari, flotatsiya uskunalari va yuqori tezlikka ega quyuqlashtiruvchi moddalar, ko‘pikli kameralar, filtrlar va nasoslar yetkazib beriladi.
Metso Outotec butun dunyo bo‘ylab agregatlar, minerallar va metallni qayta ishlash sanoati uchun barqaror texnologiyalar, yakuniy yechimlar va xizmatlar bo‘yicha yetakchi kompaniyalardan hisoblanadi.
Bosh qarorgohi Xelsinkida (Finlyandiya) joylashgan Metso Outotec kompaniyasi 50 dan ortiq mamlakatda 15 mingdan ortiq kishini ish bilan ta’minlaydi. 2021-yil qiymati, taxminan, 4,2 mlrd yevroni tashkil etadi. Kompaniya Nasdaq Xelsinki ro‘yxatiga kiritilgan.
Avvalroq O‘zbekistondagi eng yirik tashuvchilardan birining xususiylashtirish jarayoni boshlangani haqida xabar berilgan edi.
Izoh (0)