Uzbekistan Airways samolyotlarida quloqchinlarning yo‘qligi sabab yo‘lovchilardan ko‘plab murojaat va shikoyatlar kelib tushmoqda. Aviakompaniya matbuot xizmati ushbu vaziyat yuzasidan tushuntirish berdi.
Kompaniya joriy yildagi aviaqatnovlar sonini 2021-yilning shu davriga nisbatan ikki barobardan ziyod ko‘paytirgan.
Yo‘lovchilar soni 3 barobarga oshdi, bu esa o‘z navbatida xizmat va parvoz vaqtida yo‘lovchilarga tarqatiluvchi buyumlar, shu jumladan, bir martalik quloqchinlarning soni oshishiga olib keldi, — deyiladi xabarda.
Bir martalik quloqchinlar sotib olish uchun qabul qilingan chora-tadbirlar COVID-19 va boshqa bir qator sabablarga ko‘ra kerakli natijalarni bermadi.
Bugungi kunda logistika bilan bog‘liq muammolar hal qilinib, 15-iyun sanasidan boshlab bir martalik quloqchinlar aviakompaniyaning barcha samolyotlariga tarqatiladi, — deydi kompaniya matbuot xizmati.
Avvalroq Toshkent va Moskva o‘rtasidagi aviaqatnovlar soni oshirilgani haqida xabar berilgan edi.
Izoh (0)