Nyu-York federal sudi AQSH adliya vazirligiga rossiyalik biznesmen Roman Abramovichning ikki samolyotini xatlovga olish huquqini beruvchi orderni qabul qildi. Bu haqda CNBC kanali xabar tarqatgan.
Telekanal xabariga ko‘ra Abramovichga tegishli Boeing 787-8 Dreamliner hamda Gulfstream G650ER samolyotlari xatlovga olinadi.
Roman Abramovichning o‘zi Buyuk Britaniya va Yevropa ittifoqining sanksiyalariga uchragan. AQSH hukumati hali millarderni o‘z sanksiyalari ro‘yxatiga kiritmagan. Biroq mart oyida AQSH moliya vaziri Jannet Yellen janob Abramovichga nisbatan taqiqlar joriy qilinishi mumkinligini inkor etmagandi.
Reuters agentligining Marine Traffic portal ma’lumotlariga tayanib yozishicha, Abramovichga tegishli ekanligi taxmin qilinuvchi Eclipse va Solaris deb nomlangan ikki superyaxta biznesmenga qarshi sanksiyalar qo‘llanilganidan keyin Turkiya dengizlarida ko‘rinish bergan.
Mavzuga doir:
- AQSH yana bir rossiyalik milliarderga tegishli 325 mln dollarlik yaxtani musodara qildi
- “KGB va xavfsizlik kuchlari Rossiya tarixida madaniyatdan ko‘ra muhimroq rol o‘ynagan”. Iqtisodiyotchi Daron Ajemo‘g‘li — sanksiyalarning Putinga ta’siri va Rossiyada demokratiya uchun imkoniyatlar haqida
- Italiyada Alisher Usmonovning 670 ming dollarlik zirhli Mercedes-Maybach mashinasi musodara qilindi
Izoh (0)