Нью-Йорк федерал суди АҚШ адлия вазирлигига россиялик бизнесмен Роман Абрамовичнинг икки самолётини хатловга олиш ҳуқуқини берувчи ордерни қабул қилди. Бу ҳақда CNBC канали хабар тарқатган.
Телеканал хабарига кўра Абрамовичга тегишли Boeing 787-8 Dreamliner ҳамда Gulfstream G650ЭР самолётлари хатловга олинади.
Роман Абрамовичнинг ўзи Буюк Британия ва Европа иттифоқининг санкцияларига учраган. АҚШ ҳукумати ҳали миллардерни ўз санкциялари рўйхатига киритмаган. Бироқ март ойида АҚШ молия вазири Жаннет Еллен жаноб Абрамовичга нисбатан тақиқлар жорий қилиниши мумкинлигини инкор этмаганди.
Reuters агентлигининг Марине Траффиc портал маълумотларига таяниб ёзишича, Абрамовичга тегишли эканлиги тахмин қилинувчи Eclipse ва Solaris деб номланган икки суперяхта бизнесменга қарши санкциялар қўлланилганидан кейин Туркия денгизларида кўриниш берган.
Мавзуга доир:
- АҚШ яна бир россиялик миллиардерга тегишли 325 млн долларлик яхтани мусодара қилди
- «КГБ ва хавфсизлик кучлари Россия тарихида маданиятдан кўра муҳимроқ рол ўйнаган». Иқтисодиётчи Дарон Ажемўғли — санкцияларнинг Путинга таъсири ва Россияда демократия учун имкониятлар ҳақида
- Италияда Алишер Усмоновнинг 670 минг долларлик зирҳли Mercedes-Maybach машинаси мусодара қилинди
Изоҳ (0)