Донбассдаги ёнғинлар ва вайрон қилинган кўприк. Урушнинг 103-кунидан фоторепортаж
Урушнинг 103-куни ўтди. Россия Северодонецк ва Лисичанскни тўлиқ эгаллашга уринишда давом этмоқда, бироқ Украина армияси фронт чизиғини ушлаб турибди, деди Луганск вилояти раҳбари Сергей Гайдай. Украина Ташқи ишлар вазирлиги Киев жанглар тугаганидан кейин россиялик ҳарбий асирларни озод қилишга тайёрлигини, бироқ уларни жавобгарликка тортиш ҳуқуқини ўзида қолдиришини айтди. Россия ҳалок бўлган «Азовсталь» ҳимоячиларининг жасадларини Украинага топширишни бошлади: Associated Press хабарига кўра, ўнлаб жасадлар Киевга етказилган. Meduza урушнинг 103-кунига оид асосий суратларни тўплади.
Донецк
Ўт ўчирувчилар Россиянинг ҳужумидан кейин ёниб кетган омборда оловни ўчирмоқда. Сурат Александр Ермоченко томонидан олинган (Reuters) — бу унинг жанговар ҳаракатларда жароҳат олганидан кейинги илк кадрларидан бири: фотограф 3 июнь кунги ўққа тутишларда ҳамкасби оператор Павел Климов билан бирга яраланган. Уларнинг ҳайдовчиси вафот этган.Фото: Reuters
Ўт ўчирувчи Донецкда ёнаётган омбор ёнида. ДХР расмийларига кўра, кун давомида Украина қуролли кучлари Донецк ва қўшни Макеевкани ўққа тутган.Фото: Reuters
Донбасс шимоли
Россия кучлари назорати остидаги Лиман шаҳрига олиб борувчи кўприк вайрон қилинган.Фото: AFP
Донецк вилоятидаги Украина танки. Асосий жанглар ҳозир Донбассда кечмоқда: рус қўшинлари Северодонецк ва Лисичанскга ҳужум қилмоқда, Украина армияси фронт чизиғини ушлаб турибди.Фото: AP Photo
Лисичанскдаги мактаб ўққа тутилиб вайрон бўлди. Владимир Зеленский ўзининг кечки нутқида шаҳарни ҳозирги урушнинг энг қайноқ нуқталаридан бири деб атади.Фото: Getty Images
Украина ҳарбийлари шох-шаббалар билан танкнинг устини бекитмоқда.Фото: AP Photo
Фронт чизиғи яқинида Украина ҳарбийлари гаубица учун снарядларни тайёрламоқда.Фото: Reuters
Гаубицадан ўт очиш жараёни.Фото: Reuters
Соледар яқинидаги дала майдонида ишлаётган фермерлар — бу шаҳар Северодонецкда Россия армиясига қарши турган украиналик ҳарбийлар таъминоти ўтадиган ягона йўл бўйида жойлашган. Соледарнинг ўзи ҳам доимий равишда зарбаларга учрамоқда.Фото: AP Photo
46 ёшли Наталя Тишченко 7 ёшли ўғли Ярослав билан. Оила икки ойдан буён Донецк вилоятидаги Великая Новоселка посёлкасида бомбапанагоҳда яшамоқда. Уларнинг уйи авиазарбалар оқибатида вайрон бўлган.Фото: Getty Images
Горенка қишлоғида вайрон қилинган ибодатхона ҳудудини тозалаш билан шуғулланаётган аёл дам олмоқда. Россия армияси қишлоққа кирмаган, аммо уни ўққа тутган: бу ерда 600 га яқин уй таъмирга муҳтож.Фото: AP Photo
Харьков
Қабрга ўрнатиладиган хочни олиб кетаётган киши.Фото: Reuters
Изоҳ (0)