Farg‘ona viloyati Qo‘qon shahrida fuqaroning ishonchiga kirib, pullarini o‘zlashtirgan shaxs ushlandi. Bu haqda viloyat Ichki ishlar boshqarmasi xabar qildi.
Qayd etilishicha, E.N. ismli ayol IIBga murojaat qilgan. Unda 2021-yilning noyabr oyida noma’lum shaxs Turkiston ko‘chasida joylashgan shahar IIB binosi oldida ishonchiga kirib, o‘zini advokat deb tanishtirganini aytgan. U E.N.ga qaynsinglisi X.S.ni qamalib qolmasligini va’da qilib, undan 8 ming dollar miqdoridagi pullarini olib, firibgarlik yo‘li bilan qo‘lga kiritganini bildirgan.
Holat yuzasidan Jinoyat kodeksining 168-moddasi 2-qismi “a” bandi (ancha miqdorda firibgarlik) bilan jinoyat ishi qo‘zg‘atilgan.
Olib borilgan tezkor qidiruv harakatlari davomida ushbu jinoyatni X.Q sodir etgani aniqlangan. Hozirda unga nisbatan sud tomonidan sud tomonidan qamoqqa olish tarzidagi ehtiyot chorasi qo‘llanilgan.
Yuqorida ko‘rsatilgan jinoyatni sodir etgan shaxs o‘n yilgacha ozodlikdan mahrum qilish bilan jazolanishi mumkin.
Mavzuga doir:
- Samarqandda uyida fohishaxona saqlagan ayol javobgarlikdan qochish uchun tergovchiga 3 ming dollar pora berayotganida ushlandi
- Surxondaryoda 10 mln so‘m evaziga er-xotin ajrimini tezlashtirishni va’da qilgan soxta advokat qo‘lga olindi
- Namanganda fuqaroni DTMdagi tanishlari orqali o‘qishga kiritib qo‘yish uchun 7 ming dollar olgan shaxs ushlandi
Izoh (0)