Yo‘l ta’mirlash ishlari sababli Toshkent shahri Uchtepa tumani Farhod ko‘chasidagi bekat manzili o‘zgartiriladi. Bu haqda shahar hokimligi xabar qildi.
Qayd etilishicha, Oazis savdo majmuasining old tomonida joylashgan transport bekati vaqtincha Chilonzor metrosi tomoniga 100 metr masofada surildi. Ta’mirlash ishlaridan so‘ng bekat avvalgi manziliga qaytariladi.
“Noqulayliklar uchun uzr so‘raymiz”, — deyiladi xabarda.
Avvalroq Toshkentda so‘nggi qo‘ng‘iroqqa bag‘ishlangan konsert o‘tkazilishi sabab Istiqlol ko‘chasining bir qismi yopilishi. Toshkentdagi Nukus ko‘chasining bir qismi vaqtincha yopilishi, Samarqand darvoza va Qoratosh ko‘chalari kesishmasida transport harakati qisman cheklanishi, ta’mirlash ishlari sabab ayrim ko‘chalarda harakat vaqtincha cheklangani, 8-may soat 20:00 gacha ayrim ko‘chalar transportlar harakati uchun yopilishi haqida xabar berilgan.
Izoh (0)