Turkiyada iste’mol narxlari indeksi may oyida o‘tgan yilning mos davriga nisbatan 73,5 foizga oshdi. Bu haqda Turkiya Statistika instituti bayonot berdi.
Narxlar 2022-yilning apreliga nisbatan 2,98 foizga, 2021-yilning dekabriga nisbatan 35,64 foizga oshdi.
May oyida eng ko‘p transport xizmatlari (107,62 foizga), shuningdek, oziq-ovqat va alkogolsiz ichimliklar (91,63 foiz), mebel va uy-ro‘zg‘or buyumlari (82,08 foiz) o‘sdi.
Eng kam narxlarning o‘sishi telekommunikatsiya (19,81 foiz), ta’lim (27,48 foiz), kiyim-kechak va poyabzal (29,8 foiz)da kuzatildi.
Turkiyada yillik inflyatsiya 23 yil ichida maksimal darajaga ko‘tarildi
Avvalgi eng yuqori ko‘rsatkich 1998-yil oktabr oyida bo‘lgan, o‘shanda Turkiya iqtisodiy inqiroz va beqaror koalitsiya hukumati o‘zgarishi bilan yuzma-yuz kelgan edi.Joriy inflyatsiya iqtisodiyot va ishlab chiqarishni rag‘batlantirish maqsadida asosiy stavkani oshirishga qarshi chiqqan Turkiya prezidenti Rajab Toyyib Erdo‘g‘onning iqtisodiy siyosati bilan bog‘lanmoqda.
Erdo‘g‘on uchun vaziyat Ukrainadagi urush tufayli murakkablashdi, buning natijasida energiyaning jahon narxlari ko‘tarilib, Turkiyaning ushbu toifadagi katta xarajatlarini oshirdi.
Turmush narxining oshishi 2023-yil iyuniga rejalashtirilgan saylovlar oldidan Erdo‘g‘onni jamoatchilik tomonidan qo‘llab-quvvatlashning susayishiga olib keldi.
Biroq Erdo‘g‘onning hozirda kuchli raqiblari yo‘q: oltita muxolifat partiyasidan iborat koalitsiya yagona nomzod bo‘yicha kelisha olmayapti, ko‘plab muxolifatchi siyosatchilar allaqachon sudlangan yoki jazoga tortilgan.
Bloomberg ekspertlarining fikricha, inflyatsiya saylovoldi kampaniyasida amaldagi prezidentning asosiy raqibiga aylanishi mumkin.
Avvalroq BMT Turkiyaning xalqaro nomini o‘zgartirgani, endi u “Türkiye” deb atalishi haqida xabar berilgandi.
Izoh (0)