Toshkent shahar hokimligi daraxtlar atrofi zich qilib betonlangani yoki asfalt yotqizilayotgani kuzatilgan holatlarda “Xalq nazorati” xizmatiga xabar berishni so‘radi. Bu haqda poytaxt matbuot xizmati xabar berdi.
Buning uchun shu kabi holatlar kuzatilganda platformaning “Jamoat joyi” bo‘limiga kirish zarur. Undan so‘ng, “Ekologiya” yo‘nalishidan “Betonlangan daraxt tanasi” bandini tanlab, murojaatni kiritish kerak.
Shahar hokimligi ma’lum qilishicha, 31-may holatiga ko‘ra daraxtlar bilan bog‘liq muammolar haqida 268 ta xabar kelib tushgan. Shundan 66 tasi betonlab ketish holatlari bilan bog‘liq.
Ulardan 61 tasi daraxt beton tutqunligidan ozod qilingan, qolgan 5 tasida ish jarayoni ketmoqda va nazorat ostida.
“Xalq nazorati” xizmati 2021-yilning 16-fevralida ishga tushirilgandan buyon 9222 nafar foydalanuvchi ro‘yxatdan o‘tgan. Ularning murojaatlari bo‘yicha 8377 ta muammo bartaraf etilgan. Murojaatlarning aksariyati uy-joy kommunal xizmat ko‘rsatish sohasiga tegishli.
Mavzuga doir:
- O‘zbekistonda daraxtlarni ruxsatnoma asosida kesganlarga ham kompensatsiya tarzida daraxtlar ekib, parvarish qilish majburiyati yuklatiladi
- Yunusobodda daraxtlar tagi betonlab tashlangani yuzasidan jinoyat ishi qo‘zg‘atildi
- Qarshi davlat universitetida 38 tup daraxt kesib tashlangani bo‘yicha 6 nafar mas’ulga nisbatan ish ochildi
Izoh (0)