Тошкент шаҳар ҳокимлиги дарахтлар атрофи зич қилиб бетонлангани ёки асфальт ётқизилаётгани кузатилган ҳолатларда «Халқ назорати» хизматига хабар беришни сўради. Бу ҳақда пойтахт матбуот хизмати хабар берди.
Бунинг учун шу каби ҳолатлар кузатилганда платформанинг «Жамоат жойи» бўлимига кириш зарур. Ундан сўнг, «Экология» йўналишидан «Бетонланган дарахт танаси» бандини танлаб, мурожаатни киритиш керак.
Шаҳар ҳокимлиги маълум қилишича, 31 май ҳолатига кўра дарахтлар билан боғлиқ муаммолар ҳақида 268 та хабар келиб тушган. Шундан 66 таси бетонлаб кетиш ҳолатлари билан боғлиқ.
Улардан 61 таси дарахт бетон тутқунлигидан озод қилинган, қолган 5 тасида иш жараёни кетмоқда ва назорат остида.
«Халқ назорати» хизмати 2021 йилнинг 16 февралида ишга туширилгандан буён 9222 нафар фойдаланувчи рўйхатдан ўтган. Уларнинг мурожаатлари бўйича 8377 та муаммо бартараф этилган. Мурожаатларнинг аксарияти уй-жой коммунал хизмат кўрсатиш соҳасига тегишли.
Мавзуга доир:
- Ўзбекистонда дарахтларни рухсатнома асосида кесганларга ҳам компенсация тарзида дарахтлар экиб, парвариш қилиш мажбурияти юклатилади
- Юнусободда дарахтлар таги бетонлаб ташлангани юзасидан жиноят иши қўзғатилди
- Қарши давлат университетида 38 туп дарахт кесиб ташлангани бўйича 6 нафар масъулга нисбатан иш очилди
Изоҳ (0)