Avvalroq O‘zbekistonda IT-park onlayn universiteti tashkil etilishi haqida xabar berilgan edi.
Universitet IT va kommunikatsiyalarni rivojlantirish vazirligining Moskva IT-parki va EPAM xalqaro kompaniyasi tomonidan ustav kapitali 2 mln dollar (70 foiz — EPAM Global Campus, AQSH) tomonidan tashkil etilgan.
Universitet dasturi bitiruvchilar uchun zamonaviy va yuqori talabga ega IT kasblarini egallashga qaratilgan.
O‘quv jarayoni aralash, asosan onlayn tarzda olib boriladi. Endilikda respublikaning turli burchaklaridan kelgan talabalar Toshkentga ko‘chib o‘tish zaruratisiz zamonaviy, talabgir IT mutaxassisligini egallashlari mumkin bo‘ladi.
Universitetdagi mutaxassisliklar:
- Web Developer
- Networks Engineer
- Software Tester
- Backend Developer (Java)
- Mobile Developer (Android)
- Front-End Developer
- QA Engineer
- Big Data Engineer
Bakalavriat bo‘yicha o‘qish muddati 3 yil va ta’lim asosan ingliz tilida olib boriladi.
Ingliz tilini bilish darajasi IELTS 4.5 dan past bo‘lmasligi lozim va IELTS sertifikatini taqdim etishi yoki abituriyent IT Park ofislarida EPAM mutaxassislari ishtirokida sinovdan o‘tishi, imtihon uchun joy va vaqtni oldindan band qilish kerak.
O‘qishga kirish uchun maktabni bitirganlik to‘g‘risidagi guvohnoma hamda IELTS sertifikati yoki ingliz tili imtihonidan o‘tish talab qilinadi.
Kirish imtihonlari 2022-yil 25-iyundan boshlanadi. Universitetda allaqachon o‘qish dasturi va kirish uchun barcha talablar bilan batafsil tanishishingiz mumkin bo‘lgan veb-sayt mavjud.
Izoh (0)