Energetika vazirligi tomonidan iste’molchilar uchun elektr energiya xarajatini hisoblab beruvchi kalkulyator ishlab chiqildi. Bu haqda vazirlik axborot xizmati “Daryo”ga ma’lum qildi.
Qayd etilishicha, iste’molchi kalkulyatordan foydalanib, iste’mol qilingan elektr energiyasi uchun amaldagi va taklif etilayotgan tariflar bo‘yicha qiyosiy hisob-kitoblarni amalga oshirishi mumkin.
“Hozirda abonentlarning iste’mol qilingan elektr energiyasi miqdori, qoldiq va boshqalar to‘g‘risida real vaqt rejimida batafsil ma’lumotga ega bo‘lishini soddalashtirish bo‘yicha ham texnik tadbirlar olib borilmoqda. Shuningdek, iste’molchilarga to‘lov tizimlari orqali elektr energiyasining davriy iste’moli to‘g‘risidagi ma’lumotlarni ko‘rish imkoniyati yaratilmoqda”, – deyiladi manba ma’lumotida.
Avvalroq bitta uy uchun qancha elektr energiyasi kerakligi hisoblab chiqilgani xabar qilingandi. Shuningdek, elektr energiyasi va tabiiy gaz narxlari ijtimoiy norma asosida oshirilishi bildirilgan.
Izoh (0)