Andijon viloyatining Baliqchi tumanidagi 6-umumta’lim maktabi direktori o‘zi rahbarlik qilayotgan maktabni ta’mirlagan quruvchidan 4500 dollar pora olayotganda ushlandi, deb xabar bermoqda “Daryo” muxbiri.
Aniqlanishicha, 2021-yilda “Obod qishloq” davlat dasturi asosida mazkur maktabda kapital ta’mirlash ishlarini olib borgan qurilish tashkiloti rahbaridan qurilishni qabul qilish va topshirishga tayyorlash dalolatnomalariga imzo qo‘yib, binoni foydalanishga qabul qilib olish evaziga kapital qurilish uchun budjet mablag‘laridan ajratilgan 4,9 milliard so‘mning 1 foizini, ya’ni 4500 dollarni berishni talab qilgan.
Quruvchi direktorga mablag‘ni berayotgan vaqtida DXX hamda Iqtisodiy jinoyatlarga qarshi kurashish departamentning hududiy boshqarmalari bilan hamkorlikda o‘tkazilgan tezkor tadbirda ushlangan.
Hozirda maktab direktoriga nisbatan Jinoyat kodeksining 210-moddasi 2-qismi, “v” bandi (tamagirlik yo‘li bilan pora olish) bilan jinoyat ishi qo‘zg‘atilib, tergov harakatlari olib borilmoqda.
Izoh (0)